Si shkruhet një punim diplome

Përshkrimi

Ç’është një punim diplome dhe për çfarë vlen? Zgjedhja e temës, Kërkimi i materialit, Plani i punimit dhe skedimi, Hartimi i punimit, Redaktimi, Përfundime – janë disa nga problemet më kryesore të trajtuara në këtë libër që tashmë është kthyer në pikë referimi për çdo student dhe mësues. Këshillat e dhëna në këtë libër u drejtohen sidomos studentëve. Ashtu sikundër u drejtohen edhe nxënësve të shkollës së mesme, që bëhen gati të hyjnë në universitet dhe duan të njihen me mekanizmin e përgatitjes së punimit të diplomës. Të gjithë këtyre, libri synon tu thotë së paku dy gjëra: – Të përgatiturit e një punimi të mirë është i mundur, pavarësisht se mund të ndodhesh në një gjendje të vështirë, të rënduar nga diskriminime të vjetra ose të reja; – Përgatitja e punimit të diplomës (pavarësisht se e gjithë periudha tjetër e studimeve universitare mund të ketë qenë zhgënjyese dhe dëshpëruese) mund të vlejë për të rifituar besimin në dobinë dhe vlerën përparimsjellëse të të studiuarit, të kuptuar jo thjesht si grumbullim të dhënash, por si përpunim kritik i një përvoje, si fitim aftësie (të vlefshme për të ardhmen) për të zbuluar problemet, për ti trajtuar në mënyrë metodike ato dhe për ti parashtruar sipas disa mënyrave komunikuese të caktuara.