Simboli i humbur

Përshkrimi

Titulli: Çfarë ka humbur… do të gjendet në zemër të Uashingtonit Në këtë roman të ri tronditës, Dan Brown demonstron edhe një herë pse është shkrimtari më i njohur në botë për zhanrin e misterit. “Simboli i humbur” është një rrëfim mjeshtëror, i cili ndërton një rendje për jetë a vdekje përmes një labirinti të botës së njëmendtë të kodeve, sekreteve dhe të vërtetave të padukshme… të gjitha nën syrin vëzhgues të kriminelit më të tmerrshëm që Bro wn ka krijuar deri më sot. Rrëfimi nis me simbologun e njohur të Harvardit, Robert Langdonin, i cili merr një ftesë të papritur për të dhënë një leksion në ndërtesën e Kapitolit të Shteteve të Bashkuara. Por, nata merr një kthesë të frikshme kur një objekt shqetësues—i koduar mjeshtërisht me pesë simbole—zbulohet në ndërtesë. Langdoni e njeh atë si një ftesë antike, e cila synon ta çojë marrësin e saj në një botë të urtësisë ezoterike, të humbur kohë më parë. Kur mentori i tij i dashur, Piter Solomoni—një mason e filantrop i mirënjohur—rrëmbehet brutalisht, Langdoni e kupton se e vetmja shpresë për ta shpëtuar është të pranojë ftesën mistike. I vendosur brenda dhomave të fshehta, tuneleve dhe tempujve të Uashingtonit, D.C., ky udhëtim të zhyt në një botë të fshehtë të sekreteve masone, të historisë së panjohur dhe të të vërtetave të pabesueshme që presin të zbulohen.