Testosteron

Përshkrimi

Një katalog personazhesh, dilemash dhe të vërtetash që sfidojnë perceptimet tona Çka do të ndodhë me Flamurin dhe vajzën e tij disleksike? A është Brunilda G ajo që do ta zbulojë më në fund të vërtetën? Cili është ai katalog i burrave dhe grave që të gjithë duhet ta shfletojmë gjatë jetës sonë? Në librin “Testosteron” , autori na fton në një udhëtim letrar ku pyetjet nuk kanë gjithmonë përgjigje të thjeshta. Ismaili dhe Helena duan diçka më shumë, diçka që shkon përtej përditshmërisë së tyre letrare. Shtëpia shtrohet si dilemë: a është ajo vetëm vendi ku ka një baba? Po çka nëse problemi, në fund të fundit, nuk qëndron te burrat? Mes këtyre faqeve, një transgrua do të përballet me një të vërtetë që nuk e priste, Alexei ndodhet në Berlin, Fatosi në Tiranë, ndërsa gjithçka bëhet më e lehtë kur ke pranë një shoqe si Vita, e cila arrsyeton çdo veprim tëndin. Dhe, si për t’i vënë kapakun çdo paragjykimi, në fund del se edhe gratë kanë faj. Këto tregime dhe copëza reflektimesh të shkruara mjeshtërisht vijnë nga një autor i ri e guximshëm, i cili zgjedh të mos jetë gjithmonë burrë në rrëfimet e tij, duke na sjellë një perspektivë të freskët dhe unike.