Tregime per burra qe jane ende femije

Përshkrimi

“Tregime për burra që janë ende fëmijë” u botua për herë të parë në Buenos Aires, më 1919, me pseudonimin Teresa de la†. Këto tetë tregime, që shkrimtarja ua kushtoi vajzave të saj, janë një përballje me terrorin, vetminë dhe vdekjen. Duke i dhënë zë një kukulle prej lecke, një gomari apo fantazmës së një mushkari që endet me një kamë në kraharor, Teresa Wilms Montt thur pyetje sa rrëqethëse, aq edhe zbuluese: “A është e vërtetë se mirësia nuk ekziston?”. Kështu, përmes një proze të veçantë dhe të zhveshur nga çdo tepri, ajo i paralajmëron lexuesit e saj për anën e muzgët të ekzistencës, sikur këto faqe të ishin këshilla për rrugëtimin e jetës.