Udha e shtegtarit për familjen

Përshkrimi

Njëherë e një kohe, ishte një njeri që quhej i Krishteri, i cili jetonte në Qytetin e Shkatërrimit, me gruan e tij dhe katër fëmijët. Ai nuk ishte i pasur, por punonte shumë dhe fitonte aq sa për të blerë gjithë ushqimin dhe veshjet që i nevojiteshin familjes së tij. Ai kishte një shtëpizë të thjeshtë prej druri dhe shumë miq e fqinj me të cilët kuvendonte. Kështu, për një kohë të gjatë ishte me të vërtetë i lumtur. Një ditë, pasi gjeti një libër të veçantë, ai u vu në një aventurë të rrezikshme që do t’i shpëtonte jetën. Që t’ia dilte mbanë, iu desh të linte gruan dhe fëmijët pas, por udhëtimi i sjell atij shumë miq dhe bashkudhëtarë (gjithashtu edhe armiq). Për të mbijetuar, i Krishteri duhet të jetë i kujdesshëm. Sulmet mund të vijnë nga të gjitha anët dhe disa prej tyre mund të vijnë papritur. A do të gjejë ai mbrojtje? A do të arrijë ai tek Qyteti Qiellor? A do ta kapërcejë ai Moçalin e Dëshpërimit dhe Kodrën e Vështirësisë? A do ta mposhtë dot Viganin e Dëshpërimit? Ky është një rishkrim modern i veprës klasike të Bunyan-it, “Udha e shtegtarit”. Hollësi të tjera pergjatë librit do të shpjegojnë kuptimet biblike të emrave të personazheve dhe vendeve që ata vizitojne, si dhe mënyrën e të menduarit të Bunyan-it gjatë kohës që ai shkroi rreth tyre.