Unë që s’i kam njohur kurrë burrat

Përshkrimi

Unë që s’i kam njohur kurrë burrat – Jacqueline Harpman Një roman fantastikoshkencor dhe feminist në të cilin dyzet gra gjenden të mbyllura në një qilar, nën mbikëqyrjen e heshtur të disa rojave të qeta. Çfarë ligjesh e drejtojnë mbijetesën e tyre të pashmangshme me ritmin e pakuptueshëm të netëve dhe ditëve artificiale, ndërkohë që e humbasin pak nga pak kujtimin e të kaluarës së tyre? Cila rastësi apo cili qëllim e ka hedhur rrëfysen ende fëmijë mes këtyre grave të rritura? Ajo është e vetmja që nuk di asgjë, që s’i kujtohet asgjë: e megjithatë, është ajo që do ta rishpikë kohën, mendimin, dëshirën. Pra, edhe revoltën që ia kthen skllavit vetëvlerësimin. Mbi autoren Jacqueline Harpman (1929-2012) ka qenë autore belge, anëtare e Shoqatës Psikanalitike Ndërkombëtare. Lindur në Belgjikë, familja e saj u arratis në Kasablanka për t’i shpëtuar nazistëve ndërsa një pjesë e familjes së saj u zhduk në Aushvic. Pas lufte u kthye në Belgjikë dhe u diplomua në mjekësi.