Vajza e Agamemnonit

Përshkrimi

Vajza e Agamemnonit, që më vonë do të përbënte pjesën e parë të një diptiku, u shkrua në vitin 1985 me titullin fillestar “Vajza e mesme e Agamemnonit”. Është një nga dorëshkrimet e nxjerra jashtë shtetit, siç e shpjegon botuesi francez Claude Durand, për t’u botuar atje në rast se rrethanat do ta kërkonin. Vepra u botua për herë të parë pas rënies së komunizmit. Një kopje e dorëshkrimit të saj, ashtu sikurse e “Hijes” dhe “Qytetit pa reklama”, të nxjerra të tria nga dorëshkrimi origjinal prej arkivit të shtëpisë, është e depozituar në “Banque de la Cité”, Paris.