Vajza e Postës

Përshkrimi

Vajza e Postës – Stefan Cvajg Vajza e postës quhet Kristina dhe kujdeset për të ëmën dhe për punët e një zyre postare austriake në vitet pas Luftës së Madhe. Një pasdite, teksa kotej mes shkresurinave, i vjen një telegram në emrin e saj. Është nga tezja e pasur që jeton në Amerikë dhe i kërkon Kristinës të shkojë ta takojë në një resort alpin në Zvicër. Pas një udhe të gjatë me tren, Kristina e sheh veten në majat e maleve duke shijuar një jetë që nuk e kishte parë as në ëndërr. Por tezja e braktis Kristinën po aq shpejt sa e kishte ftuar dhe shumë shpejt vajza kthehet në zyrën postare provinciale e zhgënjyer dhe e trishtuar. Aty njihet me Ferdinandin, një veteran lufte i plagosur por gojëtar, i cili është shprehje e pakënaqësisë së gjithë brezit të tij. Jetët e Kristinës dhe Ferdinandit ndërthuren dhe ngatërrohen keq derisa ai sajon një plan që ose do t’u dalë për mbarë e do t’i shpëtojë, ose do t’i zhytë përjetë.