VEJUSHA E ZEZE-DANIEL SILVA

Përshkrimi

ATIJ I THONË SALADIN… AJO ËSHTË NJË VEJUSHË E ZEZË, E ETUR PËR GJAK… NJË RRËFIM RRËQETHËS, I MBUSHUR ME INTRIGA DHE EMOCIONE Agjenti legjendar dhe restauruesi i veprave të artit, Gabriel Alon është në prag të emërimit si drejtor i Shërbimit Sekret Izraelit. Pak para se të merret vendimi, një ndodhi e papritur e detyron atë të marrë pjesë në një operacion të fundit në terren. ISIS-i ka organizuar një sulm me bombë në Paris, gjë që nxit qeverinë franceze të vihet në ndjekje të personit përgjegjës, para se ai të sulmojë sërish. Një terrorist ambicioz, i veshur me një hije misteri. Rrjeti i tij përdor programe të sofistikuara kompjuterike dhe komunikon në fshehtësi të plotë, duke mos e lejuar Perëndimin të depërtojë në planet e tij. Gabrielit nuk i mbetet veçse të infiltrojë një agjente në grupin terrorist më të rrezikshëm në botë. Ajo është një mjeke e re, e guximshme dhe e bukur. Misioni i saj i rrezikshëm do ta çojë nga periferitë e Parisit, në ishullin e Santorinit, në realitetin e tmerrshëm të kalifatit të Shtetit Islamik e në fund, në Uashington, ku Saladini planifikon një natë të mbushur me terror, që do të ndryshojë rrjedhën e historisë. Shkrimtari DANIEL SILVA është fitues i shumë çmimeve dhe autor i 21 romaneve, 18 prej të cilëve kanë në qendër personazhin e Gabriel Alonit. Të gjithë librat e tij kanë shënuar rekorde shitjesh në mbarë botën dhe janë përkthyer në më shumë se 30 gjuhë. Ai banon në Florida, me bashkëshorten e tij, gazetaren televizive Xhemi Gangel dhe dy binjakët e tyre, Lilin dhe Nikolasin.