Vila me tri porta

Përshkrimi

Vila me tri porta – Vera Bekteshi “Gënjeshtra më e paturpshme u përdor si armë politike, po aq sa shpifja dhe shkatërrimi i lidhjeve familjare e miqësore, të cilat hapën plagë tepër të vështira për t’u mbyllur. Vera Bekteshi di ta përshkruajë të gjithë këtë dhe të krijojë letërsi. Por, kryesorja, këndvështrimi i saj femëror depërton në degradimin e një pushteti mashkullor dhe maskilist: portreti i diktatorit është vërtet i jashtëzakonshëm, ashtu si dhe ushtrimi mizor i terrorit që ne shohim në këto faqe. Por, në ndryshim nga shumë autorë të tjerë po kaq tragjikë, sytë e saj kanë mbetur të hapur deri në fund. Për këtë arsye “Vila me tri porta” është një libër i rëndësishëm.” Corriere del Mezzogiorno “Vila me tri porta, përtej dëshmisë që përfaqëson, duhet lexuar edhe për aftësinë e madhe për ta shndërruar kujtesën në një letërsi, e cila të na prekë regjistra të ndryshëm emocionalë, ku nuk përjashtohet dhe ironia e poezia. Pra, një libër i bukur, që tregon se si mund të përshkruajmë ferrin e megjithatë të mos e humbasim parajsën brenda nesh, duke përçuar vlerat e shpresës dhe të dashurisë së njerëzve tanë të afërm.” Diego Zandel “Romani autobiografik “Vila me tri porta” e shfaq Vera Bekteshin si një shkrimtare me dorë të sigurt dhe veprën e saj si një nga botimet më të rëndësishme të viteve të fundit mbi periudhën e diktaturës. Shkrimtarja ka aftësinë të përshkruajë me lehtësi dhe humor edhe situatat më të ndërlikuara, të rikrijojë me shumë finesë kontraste e personazhe të mjedisit të ngushtë ose edhe të protagonistëve të diktaturës.” Ardian Klosi