Zonjusha Perlë

Përshkrimi

Nga mjeshtrit e mëdhenj të traditës shqipe të përkthimit, Halit Selfo dhe Vedat Kokona, vijnë në shqip Zonjusha Perlë, Dramë e një zemre të përulur, Kokoja, E bija e Rokës, Historia e një shërbëtoreje, Fuçia e vogël, Shtëpia Telje, Zonjusha Fifi etj. Edhe unë s’e di se qysh më shkrepi, atë mbrëmje, të zgjidhja mbretëreshë zonjushën Perlë! Zonjusha Perlë, që mban çelësat e dollapëve të kuzhinës (se dollapët e rrobave i ka vetë zonja e shtëpisë), zonjusha Perlë lajmëron se sheqeri është në të mbaruar, se konzervat u sosën, se edhe kafe shumë pak ka mbetur. Kështu, duke u paralajmëruar se po boshatisen dollapët, zonja Shental kontrollon, ç’ka mbetur nga zahireja dhe mban shënime në një dëfter. Pastaj, si ka shënuar shumë shifra, fillon së pari të bëjë llogari të gjitha she, si mbaron llogarinë, e rreh çështjen gjërë e gjatë me zonjushën Perlë. Më në fund vendosin e caktojnë sasitë për çdo send që do t’u duhet për tre nuaj: sheqer, oriz, kumbulla të thata, kafe, fasule, bizele, peshk të kripur ose të tharë në tym etj,. etj.