Mesimet – Ian McEwan

Përshkrimi

Kush është në të vërtetë Roland Baines? Është fëmija i talentuar që përjeton vëmendjen obsesive të mësueses së pianos, por edhe pianisti i rëndomtë i piano-barit, që ka hequr dorë nga ambiciet e tij. Është viktima e një gruaje gjeniale dhe egoiste, e cila e ka braktisur me një djalë të porsalindur, por edhe dështaku që kalon nga një përvojë në tjetrën me motor të fikur, shtyrë vetëm nga forca e erërave. Është fëmija viktimë e abuzimit, apo një i ri «i prirur drejt intimitetit» dhe kënaqësive të shqisave? Ndoshta është njëherazi të gjitha këto së bashku; është shumëfaqësh, ashtu si shekulli ku po jeton jetën e tij? Rolandi do ta kalojë pjesën e mbetur të jetës duke pyetur veten për veten e tij dhe për «natyrën e dëmit» që tri gra – nëna, mësuesja dhe bashkëshortja – i kanë shkaktuar. I përndjekur nga mundësitë e humbura, ai kërkon ngushëllim në çdo mënyrë të mundshme; përmes muzikës, letërsisë, miqve, seksit, politikës dhe, më në fund, dashurisë së ndërprerë tragjikisht, e më pas dashurisë së shëruar dhe të rifituar. Çfarë mësimesh i kanë dhënë historia vetjake dhe “historia e madhe” që shpaloset në sfond? Udhëtimi i tij ngre pyetje të rëndësishme për të gjithë ne: A mund ta marrim plotësisht në dorë drejtimin e jetës sonë pa u shkaktuar dëm të tjerëve? Si i formësojnë jetët dhe kujtesën ngjarjet globale që janë përtej kontrollit tonë? Dhe çfarë mund të mësojmë vërtet nga traumat e së shkuarës? REVIEW «Ian McEwan rikthehet me veprën e tij më të mirë që nga Shlyerja e fajit (Atonement). Dhe kështu, edhe një herë, na pushton keqas.» «Publishers Weekly»