Tekno – feudalizmi Cfare e vrau kapitalizmin?

Përshkrimi

Zotërit e rinj digjitalë dhe fundi i kapitalizmit siç e njohim Në librin e tij më të guximshëm dhe më largpamës, ekonomisti vizionar dhe autori bestseller Yanis Varoufakis tregon se si pronarët e Big Tech -ut u kthyen në zotërit feudalë të botës bashkëkohore—duke e zëvendësuar kapitalizmin me një sistem kryekëput të ri, që skllavëron mendjet tona, shkatërron demokracinë dhe rishkruan rregullat e pushtetit global. Kjo nuk është vetëm një zhvillim i thjeshtë teknologjik; është përballja e botës me një sistem ekonomik dhe pushtet politik katërcipërisht të ri. Varoufakis ka të drejtë kur pohon se ne jemi bërë skllevër të platformave digjitale, të cilat i mbajnë peng të dhënat tona dhe na pengojnë të kapërcejmë feudin konkurrues të cloud -it, duke u nënshtruar ndaj feudalistëve të sotëm që ai i përkufizon me ironi si klaudalistë . Megjithatë, siç dëshmon autori, tekno-feudalizmi është i mbrujtur me mundësi të reja për ta penguar dhe përmbysur atë, duke sjellë në vëmendje revolucionin që na nevojitet për t’i shpëtuar burgut tonë digjital. Vlerësime nga kritika botërore: “Pika thelbësore e librit të Varoufakis është se kapitalizmi do të ndryshojë ashtu siç po ndryshon teknologjia dhe pak ministra të financave kanë një talent të tillë për ekonominë.” — Joseph Stiglitz , ekonomist fitues i Çmimit Nobel “Me këtë libër Varufakis është shndërruar në një Tukidid të kohës sonë që na rrëfën historinë e zhvillimit të teknologjisë e të një lloji të ri kapitalizmi që po lind para syve tanë falë saj.” — Jeffrey Sachs “Një zhvendosje epokale që ndodh një herë në mijëvjeçar… kjo nuk është thjesht një teknologji e re. Kjo është kacafytja e botës me një sistem ekonomik – e për rrjedhojë edhe me një pushtet politik – katërcipërisht të ri.” — The Observer “Kjo është një punë e shkëlqyer. Novatore, e cila provokon mendimin dhe tejet e kuptueshme. Duhet lexuar nga të gjithë. Kjo është kënga e zymtë, e frikshme dhe ekzaltuese e kohës sonë.” — Irvine Welsh