Ana Frank

Description

Ana Frank lindi në Frankfurt, në vitin 1929. Tri vite më vonë, familjes së saj iu desh të emigronte në Vendet e Ulëta, për shkak të terrorit nazist. Në ditarin e saj ajo shkroi për gjithçka kaloi e jetoi në shtëpinë ku u fsheh së bashku me familjen e saj dhe njerëz të tjerë, për t’i shpëtuar persekutimit gjerman ndaj hebrenjve. Butësia, bashkëjetesa, shpresa, frika, debatet në një hapësirë të vogël, monotonia, dashuria, ankthi i lirisë dhe një mori ndjenjash, gjithçka e shkruar nga një vajzë që ëndërronte të bëhej shkrimtare, por që ndërroi jetë për shkak të tifos dhe çmendurisë që përfshiu Europën në mesin e parë të shekullit XX.