Bazat e Marketingut- Arben Verçuni, Gjokë Uldedaj

Description

Teksti mësimor Bazat e Marketingut materializon interesin e studiuesve dhe përpjekjet e autorëve për ta paraqitur marketingun në mënyrë të kuptueshme, sistematike, shkencore dhe praktike. Kjo është realizuar duke paraqitur në një formë të përmbledhur, jo vetëm konceptet bazë, por edhe zbatimin e tyre në procesin e vendimarrjes dhe drejtimit të aktiviteteve të marketingut. Marketingu është një shkencë e aplikuar e ngritur mbi themelet e shkencës ekonomike, shkencës së sjelljes dhe teorisë moderne të menaxhimit. Shkenca ekonomike sugjeron se marketingu angazhon përdorimin e burimeve të pamjaftueshme për të plotësuar nevojat konkurruese, kështu që këto burime duhet të përdoren me kujdes. Shkenca e sjelljes sugjeron se marketingu ka të bëjë më njerëz, të cilët blejnë dhe drejtojnë organizata të caktuara, kështu që ne duhet të kuptojmë nevojat, motivimin, qëndrimet dhe sjelljen e tyre. Së fundi, teoria e menazhimit sugjeron se marketingu kërkon përgjigje për pyetjen se si organizatat duhet të drejtojnë aktivitetet e marketingut për të krijuar vlerë për vetveten, konsumatorët e tyre dhe për shoqërinë.