Bota e së djeshmes

Description

Stefan Zweig dhe bashkëshortja e tij, Elizabeth Charlotte Zweig, vdiqën nga dora e tyre në Petropolis, Brazil, më 23 shkurt 1942. Kjo ishte porosia e fundit i zotit Zweig: “Para se të ndahem nga jeta me vullnetin tim të lirë dhe në gjendje të kthjellët mendore, ndiej një detyrim të fundit: të shpreh falënderimet më të sinqerta për këtë vend të mrekullueshëm, Brazilin, që më ofroi mua dhe veprës sime një strehë të dashur dhe mikpritëse. Dashuria ime për këtë vend rritej çdo ditë e më shumë, dhe askund tjetër nuk do të kisha dashur të ndërtoja një ekzistencë të re, pasi bota e gjuhës sime ishte zhdukur për mua dhe atdheu im shpirtëror, Evropa, e kishte shkatërruar vetveten. Por pas moshës gjashtëdhjetëvjeçare, nevojiten forca të jashtëzakonshme për të filluar nga e para një jetë tërësisht të re. Ato që zotëroj, janë shteruar nga vite të gjata shtegtimi pa shtëpi. Prandaj mendoj se është më mirë të përfundoj në kohën e duhur dhe me dinjitet një jetë në të cilën puna intelektuale ishte gëzimi më i pastër dhe liria personale e mira më e lartë në tokë. Përshëndes të gjithë miqtë e mi! U uroj atyre që të arrijnë të shohin agimin pas natës së gjatë! Unë, tepër i paduruar, shkoj përpara.