Derisa divorci të na ndajë

Description

Ç’po bën kështu, mama?” Jo, nuk po lexon ditarin e fshehtë të sat bije. Edhe më zi se kaq. Ajo sapo të zuri gafil teksa përvidheshe jashtë, rrasur e ngjeshur në minifundin e saj, me tulet e laprat që të vërshonin nga të gjitha anët. Po çfarë do të bëje për ta shtënë sërish në dorë tët shoq? Gjithçka.Xhespëri e kishte braktisur për t’u lidhur me shoqen e saj të ngushtë, Renenë; vetëm se Lusi nuk ka ndërmend të sprapset para armikut, përkundrazi, është e gatshme ta kthejë përmbys mjaft që t’ia tregojë vendin Renesë: dekolte që të lënë pa frymë, taka marramendëse, silikon me shumicë, dehje strategjike, skena patetike… Gjithçka, mjaft që ta kishte Xhespërin sërish të vetin.Duket një fjalë goje, por ec e dilja në krye, sepse luftë nuk i kish shpallur vetëm ajo shtriga e pabesë, Reneja, që jargavitej pas burrave (të të tjerave!), por edhe e bija pesëmbëdhjetëvjeçare, Tali, që s’ia përtonte të lidhej me shpifarakun më të pështirë për inat të saj