Dollia Shqiptare , institucioni shpirteror i mikpritjes

Description

Kumti i trashëgimisë, kënga polifonike dhe kodi i sofrës shqiptare Profesor Bundo na zbulon në këtë libër se kudo ku ngrihet dolli, aty pranë lulëzon edhe kënga polifonike. Kush e shpiku për herë të parë dollinë? Askush nuk mund të japë një përgjigje të saktë se kur dhe ku lindi ky zakon. Megjithatë, një gjë është e sigurt: autori i saj mund të ketë qenë një skraparlli, një përmetar, një mokrar, një lab, një mallakastriot, një piluriot, një himarjot a ndonjë kolonjar. Ajo lindi, u latua dhe u pasurua në sofrat bujare të këtyre trevave, duke u shndërruar në një vlerë unike për shqiptarët. Dhe lind natyrshëm pyetja: nëse kjo vlerë është kaq e veçantë, pse të mos përfshihet edhe në pasurinë ndërkombëtare të UNESCO-s? Kur të mbaroni së lexuari këtë vepër, do të bindeni se autori i ka vënë vetes si qëllim kryesor mbrojtjen dhe lartësimin e vlerave shpirtërore kombëtare. Dollia nuk është thjesht një rit gëzimi, por një institucion i vërtetë mikpritjeje, ku shprehje si “të paça” , “ti që më gjete mua të gjetë e mira” , “ai është ta pish në kupë” apo “të pifsha dollinë” sjellin shpirtin e bukur të traditës sonë ndër breza.