E paftuara

Description

Një natë stuhie, një shtëpi e izoluar dhe një sekret vdekjeprurës Kush e di çfarë stuhie është kjo që po vjen… Shtëpia e Kejsit në mes të pyllit nuk është ndërtuar për t’i bërë ballë motit të egër. Çatia është gati për t’u rrëzuar, dritat fiken e ndizen dhe pema në oborr lëkundet kërcënueshëm nga era. Por Kejsi është shumë herë më e shqetësuar për vajzën që po përgjon nga dritarja e kuzhinës. Është e mitur. Është vetëm. Dhe është e mbuluar me gjak. Vajza misterioze nuk jep asnjë shpjegim prej nga vjen dhe nuk e lëshon thikën nga dora e djathtë. Kur Kejsi bën një zbulim shqetësues në mes të natës, gjërat përkeqësohen edhe më shumë. Vajza ruan një sekret të errët—një sekret për të cilin ajo do të vriste vetëm e vetëm që mos të zbulohej. Në qoftë se Kejsi i afrohet tepër së vërtetës, ajo mund të mos jetojë për të pritur mëngjesin. Në këtë histori plot tension për mbijetesën dhe dëshpërimin, Freida McFadden eksploron se deri ku mund të shkojë një vajzë për të shpëtuar veten e saj, duke i futur lexuesit në një rrjetë të ndërthurur gënjeshtrash, kthesash të papritura dhe terrori psikologjik. Çfarë thotë kritika: • “Romani ‘E paftuara’ i ka të gjitha çfarë i duhen një trilleri të frikshëm: Një natë e errët me stuhi, një shtëpi e vetmuar, një vajzë e mitur dhe kthesa të njëpasnjëshme të fabulës. Mbërtheni rripin e sigurimit!” – Jason Rekulak • “McFadden ka qëlluar sërish në shenjë… Ora smart më kujtoi si nja gjashtë a shtatë herë që të qetësohesha ndërsa lexoja këtë roman. Nuk munda ta lëshoja nga dora.” – Noelle W. Ihli • “Një rrëfim ngjethës por edhe i bukur… McFadden i mashtron lexuesit duke i dhënë një triller të kuptueshëm në fillim, para se t’i futë ata në një ndërthurje që sa vjen e bëhet më tronditëse.” – Kirkus Reviews