E shtuna

Description

E shtunë, 15 shkurt, 2003. Henri Perouni, një neokirurg i njohur, nuk ka gjumë. Nga dritarja e dhomës së tij, ai këqyr natën e Londrës tek gdhihet. Ai është një burrë i kënaqur me jetën e tij: vetë ai, një mjeshtër në profesion, një bashkëshort i devotshëm i Rozalindës, jurist e një gazete, një baba krenar i dy fëmijëve të aftë, njëra një poete e ardhshme dhe tjetri, një muzikant i talentuar bluzi. Në çastin kur nis e shtuna, i vetmuar në dritare ai nis të ndihet i paqetë, çasti kur Henri Perouni sheh në qiell fikjen e një avioni. Është koha e marrëveshjeve për luftën në Irak, përreth hija pesimiste e 11 Shtatorit ende kërcënon, frika se një qytet si Londra është në qendër të diversiteteve, është akute. Në mes gjithë kësaj psikoze shoqërore, edhe familja dhe jeta e tij, janë të kërcënuara nga takimi i rastësishëm me Baksterin, një burrë agresiv, mbase me simptomat e sëmundjeve që ai kuron çdo ditë. E shtuna përfshin brenda një dite, një botë të tërë të trazuar, rrëzon me dhjetëra shtylla të brishta ku mbahet jeta njerëzore, që në qetësinë e monotoninë e saj, trazimi i bëhet i padurueshëm. E shtuna është një libër si gisht mbi plagë, për të treguar se si mund të ndryshojë jeta e çdokujt prej nesh nga ndikimi i çastit, për mirë apo keq qoftë. E shtuna është vepër e një shkrimtari në kulmin e fuqisë së tij artistike. Ian MecEwan është autor i shumë romaneve dhe fitues i çmimit Booker Prize për romanin “Amsterdam” (1998).