Ekonomia në shekullin XXI

Description

Në periudhën e sotme të krizës është e qartë se sistemi aktual i prodhimit dhe shkëmbimit të mallrave dhe shërbimeve nuk i arrin objektivat, të cilat duhet të përfshihen në ligjet që drejtojnë shoqëritë. Kështu thellohet hendeku midis fituesve, të cilët janë të pakët dhe masës humbëse që jeton në skamje. Pierre Calama, autori i librit, shtron një pyetje të cilës përmes analizave të parashtruara në tekst përpiqet t’i japë një përgjigje: Si do të mundet njerëzimi në kushtet e globalizmit të pajtojë nevojat ekonomike me faktin e pashmangshëm se burimet natyrore janë të kufizuara? Ai e trajton këtë çështje në frymën e një reflektimi të hapur, duke treguar se sot është e mundur që të sigurohet kontrolli kolektiv dhe demokratik i fatit të shoqërisë.