Enigma e kesules se kuqe

Description

A është e vërtetë historia e Kësulëkuqes që njohim? Edhe sot e kësaj dite, askush nuk ka gjetur qoftë edhe një gjurmë të vërtetë mbi legjendën e famshme të Kësulëkuqes. Mos vallë ajo lindi nga një ëndërr, nga ndonjë vegim i çuditshëm, apo mos ndoshta një udhëtar a vetë gjuetari që shpëtoi Kësulëkuqen dhe gjyshen e saj e trilloi këtë histori thjesht për të vënë fëmijët në gjumë? Por e vërteta nuk është aspak ajo që na është treguar ndër vite… Enigmën e vajzës së vogël, që mbante mbi krye kësulën e kuqe, do ta zbuloni faqe pas faqeje vetëm në këtë libër unik. Këtu do të gjeni ditarin e vetë Kësulëkuqes dhe rrëfenjën e saj, e cila ka mbetur e panjohur deri më tani. Sapo ta merrni në duar dhe të nisni ta lexoni, do të ndieni pranë veshit zërin dhe frymën e saj, teksa zbret plot magji dhe surpriza në botën e çdo fëmije. Ermir Nika sjell një qasje krejt ndryshe përmes lojës intertekstuale, duke sfiduar kufijtë e përrallës tradicionale dhe duke ftuar lexuesit e vegjël në një udhëtim magjik zbulimesh.