Gjëra që nuk i thamë kurrë

Description

NASH MORGANI ISHTE NJOHUR VAZHDIMISHT SI VËLLAI I MIRË MORGAN ME NJË BUZËQESHJE E SHKELJE SYRI PËR TË GJITHË. Por tani ky shef policie po merr veten nga plagosja dhe hijeshia e tij jugore është errësuar nga krizat e panikut dhe ankthet. Ai ndihet si lëvozhga e zbrazët e atij që qe dikur. Nashi nuk do të lejojë askënd të mësojë se po vuan. Por fqinja e tij e re, Lina e zgjuar dhe seksi, pikas dritëhijet e tij. Si rregull, ajo nuk është tifoze e kontaktit fizik kur nuk e fillon ajo vetë, por nuk kupton pse prekja e Nashit është ndryshe. Edhe ai ndien për të. Lidhja fizike midis tyre është e rrufeshme: Nashin e dalldis, kurse Linën e bën të pyesë veten nëse ia vlen rreziku i eksplorimit. LINA KA SEKRETET E SAJ DHE SIKUR NASHI TË ZBULOJË ARSYEN E VËRTETË PSE AJO GJENDET NË QYTET, NUK DO TA FALË KURRË. Përveç kësaj, Lina nuk krijon lidhje. Kurrë. Një aventurë e nxehtë afatshkurtër me një polic të këtushëm? As që bëhet fjalë. Sapo te gjejë atë që po kërkon, nuk ka ndërmend të qëndrojë më gjatë aty. Por Nokemauti ka mënyrën e tij për t’i bërë njerëzit për vete. Dhe me të vendosur që ta bëjë Linën të tijën, Nashi nuk do të tërhiqet më…. edhe pse një gjë e tillë mund ta vërë përballë rrezikut për jetën.