Gjoni me shoket prej kartoni

Description

Një ditë magjike në shtëpi, plot imagjinatë dhe shokë prej kartoni Kjo është një histori argëtuese dhe e zgjuar për lexuesit e vegjël të etur për dije. Çfarë të ndodh kur zgjohesh një mëngjes me faqe që të kuqëlojnë si domate të pjekura nga dielli? Dihet që ethet nuk janë gjë e mirë. Mamatë merakosen dhe nisin të japin urdhra sikur të ishin kapitene anijesh: regjim shtrati, çaj i ngrohtë, ndonjë ilaç të hidhur dhe si përfundim vendimi më i rëndësishëm: sot nuk ka kopsht! Sigurisht që virozat janë të bezdisshme, por po ta mendosh hollë-hollë, kanë edhe ca të mira. Mund të rrish në shtëpinë tënde të ngrohtë, të flesh sa të duash dhe madje të zësh shokë të rinj, ashtu si Gjoni, personazhi i dashur i librit që keni në dorë. Shokët e tij të rinj janë të bërë prej kartoni, e megjithatë, si me magji, ata mund të flasin e të luajnë njësoj si ai. Ndiqni Gjonin në këtë aventurë plot imagjinatë, e cila na tregon se një ditë pushimi në shtëpi nuk ka pse të jetë aspak e mërzitshme kur ke një fantazi të pasur.