Harry Potter Dhe Guri Filozofal

Description

Harri Poter, 11 vjeç, nuk është një fëmijë si gjithë të tjerët: ka një vragë në ballë në formën e një vetëtime, është bir magjistarësh, dhe pikërisht në ditëlindjen e vet zbulon fuqitë e tij magjike dhe botën misterioze së cilës i përket. Harri ndjek një shkollë speciale, të populluar nga bufë postierë, shkopinj magjikë, fshesa fluturuese, fantazma dhe piktura që flasin. Në shoqërinë e miqve për kokë dhe profesorëve të çuditshëm, nga një mësim te tjetri, jeta e heroit nuk rrjedh në binarët e një jete të zakonshme dhe monotone. Përkundrazi. Rreziqe të panumërta e ndjekin. Një libër, ku magjia rrëfehet si jetë e vërtetë dhe e magjeps edhe lexuesin. Një libër, që shkruan për gjëra të rëndësishme në mënyrë të thjeshtë, që të rrëmben, por nuk të turbullon, që të frikëson e të qetëson njëherazi dhe që shpesh, me humorin e bukur, të bën të qeshësh.