Herman

Description

Herman Fulkt, një njëmbëdhjetëvjeçar norvegjez, bën një jetë të zakonshme dhe ëndërron syhapur, duke përdorur herë pas here imagjinatën dhe mendjemprehtësinë për të reflektuar rreth shqetësimeve të tij, që vijnë për shkak të natyrës së brishtë, veçanërisht në shkollë ku ai kthehet në objekt talljeje.Vogëlushi shkon në shkollë, shoqja e tij e vetme është Rubi, viziton shpesh gjyshin, që ka në kokë vetëm tri fije floku, shëtit nëpër parqe e nuk mendon për asgjë, derisa një ditë dëshpërohet kur sheh sipër jastëkut një tufë flokësh. E vërteta fillon të shpaloset plotësisht kur ai shkon te berberi e më pas te mjeku, të cilët pohojnë se me Hermanin e vogël po ndodh diçka e pazakontë….