Hoteli s’ke çfarë sheh këtu – Nuk keni parë gjë akoma

Description

Vazhdojnë aventurat në hotelin “S’ke çfarë sheh këtu”. Erdhi libri i dytë: “ Nuk keni parë gjë akoma” Pasi ka shpëtuar hotelin nga princi kukudh, Frenki Banister dhe klientët e hotelit “S’ke çfarë sheh këtu” mezi po presin të shijojnë pushimet verore të TROGMANAJ ! Por kur një stuhi dëbore ia beh (bashkë me një familje jetish ) dhe në hotel vijnë një sërë klientësh të mistershëm , diçka e ligë duket se e pushton hotelin dhe qejfi i pushimeve duket se është gjëja e fundit që iu shkon në mend… Mos harro librin e parë! Dy fjalë për autorët Stiven Butler është shkrimtar për fëmijë i nderuar me çmime, aktor, dublues dhe organizuesi i “Shfaqjes më të madhe të librave mbi Tokë”, në Ditën Botërore të Librit. Kur nuk shkruan, kur nuk i vjen vërdallë skenës ose kur nuk po luan tragjikun të televizion, Stivëni e kalon kohën duke u përpjekur të pikasë gungaçgjembaçë në fund të bahçes ose të mbledhë nëpër kavanoza shuka qimesh e pluhuri. Seria e tij e librave “Wrong Pong” hyri në listën e më të mirëve për prestigjiozin Çmimi Gazmor Roald Dahl. Stiven Lenton është një ilustrues i nderuar me çmime që banon në Brajtën, jo fort larg hotelit “S’ke çfarë sheh këtu”! Veç skicimit të personazheve që shihni në këtë libër, Stivëni ka ilustruar edhe seritë “Shifty McGifty” dhe “Slippery”, po edhe librat plot fantazi të Frenk Kotroll Bojsit (Frank Cottrell Boyce). Kur nuk vizaton merimanga të stërmëdha e sirena plaka, Stivënit i pëlqen të hajë akullore në plazhin e Brajtënit dhe të hapë sytë mos sheh në horizont anije kukudhësh piratë.