Jam e lumtur që nëna ime vdiq

Description

Jam e lumtur që nëna ime vdiq – Jennette McCurdy Një autobiografi sa zemërthyese, aq edhe zbavitëse, nga ylli i serialeve “iCarly” dhe “Semi dhe Keti”, për vështirësitë e saj si aktore që në vegjëli, duke përfshirë çrregullimet e të ngrënit, varësinë dhe marrëdhënien e vështirë me nënën imponuese. Xhenet Mekardi ishte vetëm gjashtë vjeçe kur bëri audicionin e parë. Ëndrra e nënës së saj ishte që ta bënte vajzën një yll kinematografie dhe Xheneta do të bënte gjithçka për ta bërë të lumtur. Kështu, ajo filloi atë që nëna e saj e quante “kufizimi i kalorive”, duke ngrënë pak dhe duke u peshuar pesë herë në ditë. Në librin “Jam e lumtur që nëna ime vdiq”, Xheneta i rrëfen të gjitha këto në detaje, ashtu siç tregon edhe se ç’i ngjau kur më në fund iu realizua ëndrra. E përzgjedhur si aktore kryesore në serialin “iCarly”, ajo nisi rrugëtimin drejt famës. Edhe pse nëna e saj ishte në qiellin e shtatë nga lumturia, Xheneta vuante nga ankthi, ndihej e turpëruar dhe nuk kishte vetëvlerësim, aspekte që i manifestoi në sjelljen e saj të përditshme, të pashëndetshme. Gjendja u përkeqësua teksa ajo luante në serialin “Semi dhe Keti”, në krah të Ariana Grandes. Në fund, pasi hoqi dorë nga aktrimi dhe iu nënshtrua terapisë, Xheneta filloi të përmirësohej dhe për herë të parë në jetë ishte në gjendje të vendoste vetë.