Jam pjesë e botës sate

Description

Pas një basti të çmendur, një sandviçi të shijshëm me djathë të pjekur dhe përqafimit me djalin e pashëm, bota e Aleksia Montgomerit kthehet përmbys. Shkaku: Daniel Granti, karpentieri jashtëzakonisht tërheqës, që është dhjetë vjet më i ri se ajo dhe tip shumë sportiv, krejt e kundërta e Aleksias vajzës qytetare të sofistikuar. Dhe kimia mes tyre është e papërmbajtur. Ndërsa prindërit e saj ultra të pasur duan që ajo të vazhdojë traditën familjare si kirurgë me emër, Aleksia nuk dëshiron as lavdi e as famë. Ndihet e kënaqur si mjeke ”e thjeshtë” urgjence. Dhe çdo minutë që qëndron me Danielin e miqtë e qytetit ku ai jeton, ajo zbulon atë që është vërtet e rëndësishme. Megjithatë, fakti se marrëdhënia e tyre bëhet më e fortë sesa një aventurë, do të thotë që t’i kthejë shpinën familjes e të heqë dorë nga mundësia për të ndihmuar mijëra njerëz. Futja e Danielit në botën e saj është e pamundur e megjithatë, ajo nuk mund të heqë dorë as nga gëzimi që ka gjetur nga lidhja me atë. Me aq shumë diferenca mess tyre, si mundet Aleksia të zgjedhë midis botës së saj dhe atij?