KALLOCAIN

Description

Pasrendës i romanit të njohur “Brave New Wold” të Aldous Huxley, romani “Kallocain” i shkrimtares suedeze Karin Boye i përket zhanrit të distopisë së drogës, të një shoqërie ku farmakologjia përdoret për të shtypur zërat kundër sistemit totalitar që udhëheq dhe mbikëqyr jetët e shtetasve të vet. Ndryshe nga ilaçi që krijon Huxley në romanin e tij për të shtypur dëshirën për moskonformizëm, shkrimtarja Karin Boye, nëpërmjet zërit të rrëfimtarit që ka krijuar, shkencëtarit Leo Kall, na rrëfen një ilaç që përdoret për të zbuluar akte individuale dhe mendime rebele që mbruhen në kokën dhe mendimet e mëdyshura të shtetasve të Shtetit Kimik. Me idealin për një botë të qashtër, pa ligësi dhe cene, e ndërkohë edhe me dyshimet që e brejnë përbrenda për fuksionimin e një sistemi tërësor, e gjer në drithmat e një xhelozie të verbër ndaj së shoqes, Leo Kall rrëfen një rrugëtimim personal, i cili shkërmoqet përballë të vërtetës me të cilën haset dhe që është krejt e papërfytyrueshme.