Kriza botërore vëll.2

Description

Njerëzimi kurrë nuk ka qenë në një situatë të tillë. Pa arritur ndonjë nivel më të lartë të zemërgjerësisë dhe duke mos përdorur një udhëheqje më të urtë, njerëzit për herë të parë morën në duar të tilla armë, me ndihmën e të cilave mund të zhdukin pa u gabuar gjithë njerëzimin. E tillë është e tërë historia e tyre e lavdishme, të tilla janë të gjitha veprat e brezave paraardhës. Dhe njerëzit bëjnë mirë nëse ndalen dhe mendohen mbi këtë përgjegjësi të tyre. Vdekja qëndron pranë, shumë e bindur, pritëse, e gatshme të shërbejë, e gatshme të shuajë gjithë popujt “en masse”, e gatshme nëse duhet, të kthejë në pluhur e hi, pa asnjë shpresë për ringjallje, gjithçka që ka mbetur nga qytetërimi. Ajo dëgjon vetëm fjalët e komandës. Ajo e pret këtë fjalë nga ajo krijesë e brishtë, e trembur, e cila prej kohësh i shërben asaj si viktimë dhe e cila një herë të vetme u bë sovran i saj.