Kthim ne Vilen e Pelhurave

Description

Augsburg 1930. Pas shumë vuajtjesh dhe të papriturash, Marije dhe Paul Melceri më në fund arrijnë t’i gëzohen jetës familjare dhe dashuria mes tyre është më e fortë se kurrë. Djali i tyre më i vogël, Kurti, tashmë katër vjeç, është një rreze dielli që fiton dashurinë e të gjithëve, ndërsa dy binjakët po rriten dita-ditës: Dorotea shfaq të njëjtin temperament të vrullshëm si gjyshja nga e ëma, ka një dashuri të veçantë për teknologjinë dhe ëndërron të bëhet pilote, Leoja dëshmon një talent të jashtëzakonshëm muzikor. Por jashtë vilës, situata sa vjen e përkeqësohet: kriza ekonomike po e gjunjëzon vendin, porositë për fabrikën e pëlhurave po pakësohen dhe Pauli druhet se do t’i duhet të pushojë nga puna shumë punëtorë. Për më tepër, ai ka përplasje me Sebastianin, bashkëshortin e së motrës, Lizës, i cili tanimë është përfaqësues i punëtorëve dhe e vë në pozitë të vështirë familjen, duke marrë pjesë në marshime komuniste, që përfundojnë edhe në përleshje me rivalët nacionalsocialistë. Gjërat nuk shkojnë vaj as në atelienë e Marijes: klientet shpeshherë nuk paguajnë dhe disa fillojnë të ankohen që Marija ka një punonjëse hebreje. Kur Pauli pëson një goditje miokardi, asaj do t’i duhet të marrë në dorë frerët e kompanisë dhe të përpiqet ta shpëtojë. Fati i gjithë familjes varet në fije të perit. A do të arrijë Marija të ruajë trashëgiminë e Vilës së Pëlhurave dhe t’i kthejë shkëlqimin e mëparshëm? REVIEWS “Një histori dashurie e mrekullueshme, me nota dramatike dhe sekrete familjare, që na pëlqen si për cilësinë letrare, ashtu edhe për saktësinë historike.” Revista Kritica “Downtown Abbey në Augsburg.” Histo-couch “Një libër i përsosur për lexuesit e Lucinda Rileyt.” Nederlands Dagblad