Kujtimet e Adrianit

Description

Në vilën e tij në Tibur, perandori 60-vjeçar Adriani i shkruan nipit të tij të adoptuar: sundimtarit të mëvonshëm Mark Aurelit. Ajo që Adriani i shkruan 17-vjeçarit është më shumë një dialog me veten, një reflektim mbi egon e tij dhe maskat që ka ndërruar gjatë jetës. Ndryshe nga paraardhësi i tij, Trjani, i cili ishte një pushtues, perandori Adrian ndoqi një politikë paqedasëhëse që i solli shumë përparim perandorisë. Adriani ishte një sundimtar i pazakontë për kohën e tij. Dy pasione të zjarrta e karakterizonin personalitetin e tij dashuria për artin grek dhe dashuria për djaloshin Antino. Kryeveppra e Yourcenar-it përmbledh brenda rikonstruktimit historik kurajën për të prezantuar një burrë të madh, lartësinë e mendimit të tij, aftësinë intelektuale, intuitën profetike, duke na dhuruar jo vetëm një vepër edurite, por një libër të ditëve tona dhe atyre që do të vijnë. “Ndihesha përgjegjës për bukurinë e botës”, thotë për veten Adriani, një persoazh në kërkim të një barazpeshe mes lumturisë dhe logjikës, inteligjencës dhe fatit. Mbi autoren Marguerite Yourcenar (1903-1987) është shkrimtare franceze e lindur në Belgjikë. Ajo u bë shtetase amerikane në vitin 1947 dhe u bë gruaja e parë që u zgjodh në Académie Française në vitin 1980. Romani i saj Kujtimet e Adrianit, botuar fillimisht në vitin 1951, kërkoi më shumë se një dekadë punë për t’u shkruar.