Kurre mos genje

Description

Kur stuhia zbulon kasetat e vdekjes dhe sekretet e një psikiatreje Ndonjëherë, e vërteta vret… Të martuarit rishtas, Trisia dhe Itani, po kërkojnë shtëpinë e ëndrrave të tyre. Ata mendojnë se e kanë gjetur kur vizitojnë një banesë të vetmuar që dikur i përkiste doktoreshë Adriana Hejlit, një psikiatreje të njohur që u zhduk pa lënë gjurmë vite të shkuara. Por, kur një stuhi e fuqishme i bllokon brenda, shtëpia nis të humbë tërheqjen e saj dhe kthehet në një kurth izolues. Në faqet e trillerit Kurre mos genje , tensioni arrin kulmin kur Trisia zbulon rastësisht një koleksion regjistrimesh audio të seancave që ka bërë doktoreshë Hejli me pacientët e saj. Ndërsa dëgjon regjistrimet e fshehta, ajo mëson për zinxhirin e tmerrshëm të ngjarjeve që çoi në zhdukjen misterioze të gruas. Pas çdo kasete, zbulohet një fragment tronditës i mozaikut dhe rrjeti i gënjeshtrave shthuret dalëngadalë. Por kur Trisia të dëgjojë kasetën e fundit—atë që zbulon krejt historinë tmerruese—mund të jetë shumë vonë për të shpëtuar. Ja çfarë thonë lexuesit dhe kritika për këtë libër mbërthyes: “Trillim i përsosur për një roman! Më tërhoqi historia qysh në fillim dhe e lexova me një frymë deri në përfundimin tronditës. Shqetësues, përthithës dhe ankthsjellës, ky është romani që lexuesit do ta përpijnë pa u ngritur nga vendi.” — Karen McQuestion , shkrimtare bestseller “Më tronditi! Kthesa e ngjarjeve në njëzet përqindëshin e fundit më la pa mend. Freida të hedh me mjeshtëri ca thërrime që të çojnë në mendim të gabuar… bëjini vetes një nder dhe lexojeni librin.” — Kristine T. “Nuk më kujtohet sa kohë kishte që një triller nuk më rrëmbente kaq shumë. Kthesa e fundit më ra si bombë, duke më përmbysur gjithçka. E mbarova librin për dy ditë!” — Belated Bookworm