Liria

Description

Për gjashtëmbëdhjetë vjet, Angela Merkel ishte kancelare e Gjermanisë dhe në qendër të politikës europiane dhe ndërkombëtare. Në kujtimet e saj, ajo rikthehet në jetën e saj në dy shtete gjermane: në Gjermaninë Lindore deri në vitin 1990 dhe më pas në Gjermaninë e ribashkuar. Si arriti ajo, duke ardhur nga Lindja, të ngjitej në krye të partisë së saj, CDU-së, për t’u bërë gruaja e parë që mbajti postin e kancelares? Dhe si u bë më pas një nga udhëheqëset më të fuqishme të qeverive në botën Perëndimore? Çfarë e udhëhiqte? Në librin “Liria”, Angela Merkel rrëfen jetën e përditshme në zyrën e kancelares, si edhe ditët dhe netët dramatike kur mori vendime me pasoja të mëdha në Berlin, Bruksel dhe më gjerë. Ajo ndjek vijat e gjata të ndryshimit në bashkëpunimin ndërkombëtar dhe zbulon presionin me të cilin përballen politikanët kur kërkojnë zgjidhje për probleme komplekse në një botë të globalizuar. Këtu, ajo na çon në prapaskenat e politikës ndërkombëtare, duke treguar si rëndësinë e bisedave personale, ashtu edhe, mbi të gjitha, kufijtë e tyre. Duke reflektuar për politikën në një kohë përballjesh dhe përçarjesh në rritje, kujtimet e Angela Merkelit ofrojnë një vështrim unik në mekanizmat e brendshme të pushtetit dhe janë një thirrje e vendosur dhe aktuale për lirinë.