LUTJA E ÇERNOBILIT

Description

Ky libër, në fakt, nuk është për Çernobilin, por për botën e Çernobilit. Për vetë ngjarjen janë shkruar tanimë mijëra faqe dhe janë xhiruar pothuajse qindra mijëra metra filma. Kurse unë merrem me atë që e quajta histori të anashkaluar, gjurmë pa gjurmë të qëndrimit tonë në tokë dhe në kohë. Shkruaj dhe mbledh ndjenjat, mendimet, fjalët e përditshme, përpiqem të kuptoj jetën e shpirtit. Jetën e ditës së zakonshme, të njerëzve të zakonshëm. Sepse këtu çdo gjë është e pazakontë: edhe ngjarja, edhe njerëzit, atëherë kur ata e gjallëruan me jetën e tyre hapësirën e re. Çernobili për ata nuk është metaforë, nuk është simbol, ai është shtëpia e tyre. Sa kohë arti e ka bërë provë apokalipsin, ka ofruar versione të ndryshme teknologjike të përfytyrimit të dritës, por tani e dimë me saktësi se jeta është ku e ku më fantastike.