Mësuesja

Description

Freida McFadden MËSUESJA E përktheu nga origjinali: Taulant Hatia * * * Mësimi numër 1: Mos i beso askujt! Eva bën jetë të mirë. Ngrihet çdo mëngjes, merr një puthje nga bashkëshorti, Nejti, dhe niset për të dhënë mësim, lëndën e matematikës në shkollën e mesme lokale. Gjithçka duket më së miri. Përveçse… Vitin e kaluar, shkolla e mesme “Kejsham” u trondit nga skandali mes një nxënëseje dhe një mësuesi. Në qendër të ciklonit u vendos Adi, një nxënëse e ndrojtur dhe e mbyllur në vetvete. Por Eva e dinte se, pas këtyre thashethemeve të shëmtuara kishte diçka më tepër nga sa dukej. Adit nuk mund t’i zihej besë. Ajo gënjente. Lëndonte njerëz. Shkatërronte jetë. Të paktën, kështu thoshin të gjithë. Por askush nuk e njihte Adin e vërtetë. Askush nuk i dinte të fshehtat që mund ta shkatërronin. Kurse Adi qe gati të bënte gjithçka që këto të fshehta të mos dilnin. Nga autorja bestseller e “New York Times”, Freida McFadden, vjen një histori e sekreteve plot kthesa të papritura dhe hakmarrjes së shumëpritur. * * * “Të fshehtat gjenden kudo në këtë rrëfim të shkëlqyeshëm që lëviz si ndonjë tren ekspres japonez, duke ofruar shumë të papritura gjatë rrugës.” – First Clue “Kjo histori e re dhe e shkëlqyer nga McFadden… me kthesat më të befasishme që përmban, do t’i emocionojë aq shumë lexuesit sa nuk kanë për ta lëshuar nga dora këtë libër të mrekullueshëm. “Mësuesja” të mban mbërthyer” – Publishers Weekly “E treguar nga këndvështrimet e Evës dhe Adit, kjo histori e mahnitshme nga McFadden (autorja e serisë “Shërbëtorja”) merr një kthesë tepër të papritur e të rrëfyer shkëlqyeshëm në fund. Është një libër i domosdoshëm për adhuruesit e trillerëve psikologjikë.” – Library Journal