MAJKËLLI IM

Description

"Po e shkruaj këtë histori, sepse njerëz që kam dashur, më kanë vdekur. Po e shkruaj këtë histori, sepse në moshë të re kam qenë e mbushur përplot me fuqinë e njeriut të dashuruar, e tani kjo fuqi dashurie po shuhet. Por unë nuk dua të shuhem." Këto janë fjalët që Hana, një grua e re jeruzalemase, nis rrëfimin e saj mbi jetën e trazuar dhe martesën e saj të dështuar. Kjo grua, e cilësuar si "Madamë Bovaria moderne izraelite", është një studente e letërsisë hebraike, dhe një sitë, rastësisht, njeh një gjeolog të ri, Majkëll Gonen, me të cilin, njëhërësh me martesën, ndërton edhe largësinë shpirtërore. Ftohtësia do të jetë ajri ku ajo do të marrë frymë çdo ditë. Kjo rrëfenjë tërësisht femërore e Amos Oz ndiqet nga një vetrrëfim i mençur, therës, i përditshëm, i Hanan dhe hyn deri në mendimet më të fshehura dhe në emocionet më të thella të protagonistes, aty ku Majkëlli "i saj", i qetë dhe apatik, nuk mund të hyjë dot. Si sfond në këtë roman psikologjik, merr pjesë edhe qyteti i dashur i kësaj gruaje, Jeruzalemi ku ndërthuren ngjyrat e luftës, qyteti që duket sikur merr pak pjesë në jetën e saj, por e sundon atë dhe fatin e saj, ftohtë nga larg.