Mali i peste-TN

Description

Në shekullin IX para erës sonë, Zoti urdhëroi profetin Elia të braktiste Izraelin. Udha e çoi atë në Sarepta, një qytet i vogël fenikas. Atje, Elia i humbet të gjitha, madje edhe gruan pas së cilës u dashurua. Më tej, ai gjendet në mesin e ngjarjeve të turbullta e dramatike, që e çojnë deri në përballjen me Zotin. Ky libër trajton disa tema të fuqishme, ashtu siç vetëm Paulo Coelho di t’i trajtojë, si ajo e lufta mes fatit dhe zgjedhjes personale, krizën e besimit, çfarë ndodh kur ndihesh i braktisur nga Zoti, humbja dhe rindërtimi i vetes. Coelho nuk e paraqet Elian si hero të pathyeshëm, por si një shpirt që thyhet dhe rindërtohet. Këtu qëndron forca e romanit, ai flet për momentet kur jeta na rrëzon, kur gjithçka që kemi ndërtuar shkatërrohet dhe kur jemi të detyruar të zgjedhim nëse do të dorëzohemi apo të vazhdojmë. Nëpërmjet kësaj vepre autori ngre pyetjen nëse është fati diçka e paracaktuar, apo është guximi ynë ai që e formëson? Fragment nga libri “Përse Ai që ka krijuar botën, pëlqen t’i shërbejë tragjedisë së shkrimit të librit të fatit?”, pyet Elia. “Ti nuk di se ç’thua, i përgjigjet engjëlli. Nuk ekziston tragjedia, por vetëm e pashmangshmja. Gjithçka ka të drejtën e të qenit: është aftësia jote të dish të dallosh atë që është kalimtare, nga ajo që është përcaktuese.” “Çfarë është kalimtare?” “E pashmangshmja.” “Po përcaktuese, cila është?” “Mësimet mbi të pashmangshmen.”