NE AKSION

Description

Bibliography: Dhimitër Theodhori lindi në Përmet më 08 dhjetor 1946 dhe ndërroi jetë në Tiranë më 13 mars 2013. Piktori Dhimitër Theodhori i përket grupit të piktorëve të filmit shqiptar, të cilët bashkëpunuan me regjisorët më të njohur shqiptarë në Kinostudion e Tiranës. Theodhori punoi si piktor kostumograf në filmin artistik, si para viteve 1990 ashtu edhe më vonë, duke realizuar mjaft filma. Disa nga filmat më të rëndësishëm ku ai ka bashkëpunuar janë : “Gëzhoja e Vjetër” (1980), “Flutura në kabinën time” (1988), “Nata” (1998) dhe “I dashur Armik” (2005). Jeta artistike e Theodhorit është shumëplanëshe; pjesën më të madhe të krijimtarisë ai ia kushtoi skenografisë dhe kostumografisë filmike shqiptare. Gjithashtu, ai ka realizuar vizatime, grafika, portrete, peizazhe në vaj, akuarel dhe teknikë të përzier. Artisti ka lënë një koleksion të pasur (me qindra vizatime dhe punime me ngjyra) nga puna si kostumograf, si dhe një koleksion me piktura dhe vizatime nga natyra, nudo dhe peizazhe, shumë prej të cilave i ka realizuar gjatë kohës së xhirimeve të filmave artistikë në vende të ndryshme të Shqipërisë. Pas viteve 2000, Dhimitër Theodhori përjetoi vështirësi të mëdha ekonomike dhe jetoi në varfëri të thellë. Ai u nda nga jeta në moshën 67-vjeçare, pa pasur mundësi të ekspozonte ose të publikohej. Në koleksionin e kostumografisë filmike, Theodhori ka lënë punime me ngjyra dhe vizatime të ndryshme me giri, penë, si dhe me teknikë të përzier (mix). Në punimet me ngjyra, ai e realizonte personazhet mashkullorë me ngjyra të plota dhe me pak detaje. Në krijimtarinë e tij gjenden edhe projekte kompozimesh me laps (bocete) dhe skica të ndryshme të realizuara në natyrë, nga puna në bujqësi dhe në uzina. Në skicat nga natyra, shpesh ai preferonte të vizatonte grupet e njerëzve nga prapa, një këndvështrim i rrallë në artin e Realizmit Socialist. Veprat e Theodhorit bëjnë pjesë në shumë koleksione publike dhe private. Ato ruhen edhe në muzeume jashtë Shqipërisë, si në Lombardia, Prishtinë, Torino, Paris etj. Veprat e tij janë ekspozuar në Pera Museum (Stamboll), në Galerinë Kombëtare të Arteve (Tiranë), në Düsseldorf në selinë e Parlamentit, në GKK Prishtinë, në Promenade Gallery (Vlorë) etj. Dhimiter Theodhori, Në aksion , laps në letër, 24 × 17.5 cm, 500 €.