Ne qe nuk kemi qene kurre moderne

Description

Bruno Latour është një ndër mendimtarët më origjinalë të kohës sonë, që vuri në dyshim vetë bazat e asaj që quajmë “modernitet”. I formuar në filozofi dhe më pas në antropologji, ai u bë i njohur për studimet e tij në laboratorë shkencorë, ku vëzhgoi nga afër mënyrën se si prodhohet “e vërteta” shkencore, jo si diçka e pastër dhe objektive, por si rezultat i rrjeteve komplekse njerëzore dhe jo-njerëzore. Kjo qasje kulmon në librin e tij më të famshëm që prezantohet sot për ju, “Ne nuk kemi qenë kurrë modernë”, ku Latour argumenton se ndarja mes natyrës dhe shoqërisë është një iluzion: në realitet, ne gjithmonë kemi jetuar në një botë “hibridesh” që bashkojnë teknologjinë, politikën, shkencën dhe kulturën. Si profesor në Sciences Po Paris dhe themelues i médialab, ai zhvilloi më tej teorinë e rrjeteve të aktorëve (Actor-Network Theory), duke propozuar një mënyrë të re për të kuptuar botën si një ndërthurje marrëdhëniesh. Në vitet e fundit, Latour e zgjeroi këtë kritikë ndaj modernitetit në një reflektim mbi ekologjinë politike dhe nevojën për të rikonceptuar marrëdhënien tonë me Tokën. I vlerësuar me çmime si Holberg Prize dhe Kyoto Prize, ai mbetet një zë thelbësor për këdo që kërkon të kuptojë pse, siç sugjeron vetë titulli i tij provokues, ne “kurrë nuk kemi qenë modernë”.