Nje mashtrim i shkelqyer

Description

Ky është një roman atipik, pa vrasje dhe vrasës për t’u zbuluar, por fakti mbetet se ai është shkruar me një ironi therëse për racën njerëzore së cilës ne i përkasim.” Varese News “Ky roman, është një histori dashurie dhe mashtrimi mes Zurihut, Milanos dhe Zvicrës italiane. Është një histori e pasionit ekstrem dhe njëkohësisht një shaka trishtimi. Ngjarjet zhvillohen në Zurihun e pasur dhe të pastër, në lëndinat e gjelbëra të vilave luksoze, duke u zhvendosur me intensitet emocional në Riva Plaçida në Askona dhe në Milano. Andrea Fazioli ndërton një histori befasuese të pazakontë, të cilën lexuesi e ka të vështirë që të dallojë nëse kjo është një histori e trilluar apo një ngjarje e vërtetë. Është një roman befasues…” Milano Nera “… është e vërtetë apo është një tjetër mashtrim? Kjo është pyetja që na shoqëron gjatë gjithë leximit, ndërsa vajza dhe bashkëpunëtorët e saj, kanë mundur të bëjnë një mashtrim të madh që përgjithmonë do të ndryshojë jetët e tyre. Fazioli ndërton me sukses një histori enigmatike me nuanca dhune. Më së tepërmi e gjitha kjo histori është një lojë psikologjike që e “shqetëson” lexuesin në një vorbull të madhe pyetjesh.” Agenda Lugano Mbi autorin Andrea Fazioli, shkrimtar zviceran i gjuhës italiane, u lind në maj 1978 në Bellinzona. Është autor i dymbëdhjetë librave. Veprat e tij janë përkthyer në gjuhë të ndryshme të botës, ndërsa tregimet e tij janë përfshirë në shumë antologji bashkëkohore. Fazioli është një nga shkrimtarët më në zë sot në Zvicër, Itali etj. Në vitin 1998 është shpallur fitues i “Premio Chiara”. Në 2010 u shpall fitues i “Premio La Fenice Europa”. U diplomua në vitin 2004, në gjuhë dhe letërsi italiane dhe franceze në Universitetin e Zurihut, me studimin mbi veprën e Mario Luzit. Ka punuar si gazetar në të përditshmen e Tiçinos, “Il gironale del Popolo”. Është prezantues i programeve të ndryshme në RSI, Radio Televizionin Zviceran. Jeton në Bellinzona.