Njembedhjete minuta

Description

Kërkimi i dritës së brendshme mes pasionit dhe zhgënjimit Në romanin thellësisht njerëzor Njembedhjete minuta , autori Paulo Coelho na rrëfen historinë e Maries, një vajze nga një provincë e Brazilit, e cila mbetet zemërthyer nga përvoja e saj e parë në dashuri. E lënduar që në moshë fare të njomë, ajo fillon të druhet se s’ka për ta gjetur kurrë ndonjëherë atë ndjenjë të pastër. Si pasojë e një takimi rastësor në Rio, ajo ndërmerr një udhëtim që e çon në Gjenevë, e mbushur me ëndrrën e famës dhe fatit. Por realiteti përplaset ashpër me të, dhe ajo përfundon rrugëve duke u detyruar të punojë si prostitutë. Në Gjenevë, Maria largohet edhe më shumë nga ideja e dashurisë, ndërkohë që zbulon dhe ndihet e magjepsur nga seksi. Megjithatë, ky qëndrim i saj i dëshpëruar dhe i mbyllur ndaj ndjenjave vihet papritur në provë të fortë kur ajo takon një piktor të ri, të pashëm e të suksesshëm. Në këtë odise të gjatë e të thellë të vetëzbulimit, Maries i duhet të marrë vendimin më të vështirë të jetës: të zgjedhë midis rrugës së errët të kënaqësisë fizike si qëllim në vetvete, apo të rrezikojë gjithçka për të gjetur “dritën e saj të brendshme” dhe seksin e shenjtë, atë në kontekstin e dashurisë së vërtetë. Siç vlerësohet edhe nga Entertainment Weekly : “Libri ka një magji të ëmbël kureshtare.”