Pa prekur

Description

Pa Prekur është udhëtimi i një gruaje, e cila, në buzë të vdekjes, merr vendimin të vërë në vend emrin e saj dhe të zgjidhë një gabim që ka bërë në fëmijëri. Nermin Yıldırım, nëpërmjet dorës së Adaletit, një gruaje të plagosur e të vështirë, që përpiqet të jetojë pa prekur asnjeri, dyshuese për botën mbarë, na tërheq përmes një Turqie të fshehur nëpër toponime. Nëpërmjet kësaj Turqie, që gabimisht mund ta konsiderojmë të largët, Nermini na kthen në kontekstin tonë dhe na përball me realitetin shqetësues, që duket se po fiton terren në aq shumë pjesë të jetës sonë moderne. Një udhëtim shpëtues, që na bën të kuptojmë se e keqja nuk qëndron vetëm në veprimet e të ligjve, por edhe në mosveprimet e njerëzve të mirë. Ky është një roman që denoncon indiferencën, që ngre gishtin akuzues dhe na kujton se nuk jemi përgjegjës vetëm për ato që bëjmë, por edhe për ato që nuk bëjmë, për ato që nuk mbrojmë dhe për ato që duhet të ngremë zërin, por heshtim.