Pa thënë mirupafshim

Description

Një rikthim në kafenenë magjike ku koha mund të kthehet pas Klientët e rregullt në kafenenë magjike Funiculi Funicula janë njohur mirë me legjendën e saj të famshme dhe ofrimin e jashtëzakonshëm të udhëtimit në kohë. Gjatë viteve, shumë vizitorë janë ribashkuar me dashuritë e vjetra apo janë takuar sërish me familjarët e tyre tashmë të larguar nga kjo botë. Megjithatë, ky udhëtim emocional nuk është pa rreziqe dhe ka rregulla strikte që duhen ndjekur me patjetër. Udhëtarët mund të takojnë vetëm njerëz që e kanë vizituar kafenenë më parë dhe, rregulli më i rëndësishëm i të gjithëve: ata duhet të kthehen në të tashmen përpara se kafeja e tyre të ftohet. Në traditën e serisë grishëse “Pa u ftohur kafeja”, autori Toshikazu Kawaguchi na njeh në këtë libër të katërt me një grup të ri vizitorësh, jetët e të cilëve kanë mbetur pezull: bashkëshortin që ka diçka jetike për të thënë; gruan që nuk mundi t’i jepte lamtumirën qenit të saj të dashur; vajzën që nuk mundi t’i përgjigjej një propozimi; dhe bijën që ia mbathi prej të atit. “Pa thënë mirupafshim” është një roman mahnitës dhe shërues që eksploron pendesën, dashurinë dhe nevojën thelbësore për të thënë atë që ndiejmë përpara se të jetë tepër vonë.