Pamja nga liqeni Komo

Description

Jeta e Xhesi Kapodimonte Baratas çdo ditë po i largohet ëndrrave të saj. Ajo jeton në Liqenin Komo, në New Jersey, një qytet i vogël punëtorësh, ku familja është kryefjala e gjithçkaje. E sapo divorcuar nga “burri i përsosur rsosur” Bobi Bilancia, Xhesi gjen strehim nim në bodrumin e prindërve për t’u shëruar nga “plaga” që ka marrë… Ajo është vajza e padukshme që kujdeset me përkushtim për prindërit dhe familjen… Përveçse “shërbëtorja kokëulur” e familjes, Xhesi është edhe një vizatuese e talentuar. Lui, xhaxhai saj që merret me biznesin e mermerit, beson se ajo mund të arrijë gjithçka (vetëm mbasi të investojë për një gardërobë më të mire). Kur familjet Kapodimonte dhe Barata përballen me një humbje të papritur, dalin në sipërfaqe sekret sekrete të vjetra që do ta detyrojnë Xhesin të vërë në dyshim besnikërinë ndaj atyre që i ka besuar më shumë në jetë. E shtyrë nga ëndrrat e humbura, ajo rimerr fatin e saj në duart e veta dhe niset drejt atdheut të të parëve, në Karrara të Italisë. Nga hijet e maleve madhështore të Toskanës të mbuluara me mermer, te rrugët vezulluese të Milanos dhe brigjet magjepsëse të Liqenit Komo, në këtë vend të ri dhe të vjetër njëkohësisht, Xhesi fillon të gdhendë identitetin e saj. Jeta e saj fillon të ndryshojë kur takon Anxhelo Straxan, një artist pasionant i veprave të punuara me ar. Ajo arrin të kuptojë se ka aftësi dhe fantazi të paimagjinueshme. Dita kur zbulon të vërtetën mbi historinë e familjes së saj, do t’ia ndryshojë përgjithmonë rrjedhën e jetës… I shkruar me një stil elegant dhe me emocion, nga një shkrimtare me origjinë italiane, ky është një roman për këmbënguljen e një gruaje që krahas jetës artistike, i lë hapësirën e nevojshme edhe dashurisë. Me një biletë vetëm vajtje drejt Italisë, Xhesi është e vendosur të shkruajë historinë e saj të re, por këtë herë, gdhendur në mermer…