POLITIKA ARISTOTELI

Description

Tregohet se veprat e Aristotelit u ruajtën nga studenti i tij, Theophrastus, ai që vijoi Aristotelin në udhëheqje të shkollës shëtitëse. Libraria e Theophrastusit i kaloi nxënësit të tij Neleus. Për ta mbrojtur nga hajdutët, trashëgimtarët e Neleusit i fshehën ato në një qilar, ku shumica e veprave u prishën nga lagështia, moli dhe krimbat. Në këtë vend të fshehtë ato u zbuluan në vitin 100 p.e.s nga Apellicioni, një dashamirës i njohur i librave, i cili i morri dhe i solli në Athinë. Më pas ato u shpunë në Romë, pas rënies së Athinës nga Sulla në 86 p.e.s. Këtu, veprat e mjeshtrit të madh tërhoqën shpejt vëmendjen e studiuesve dhe ribotimi i tyre i dha një vrull të paparë studimit të traktateve të tij filozofike dhe vepra të ndryshme me karakter shkencor. Kështu, vepra e Aristotelit mund të ndahet në tre kategori: • Dialogje dhe veprat e tjera me karakter popullor • Përmbledhje faktesh dhe materialesh të studimeve të veçanta shkencore • Vepra sistematike filozofike