Rrno vetem per me tregue – i plote me 3 vellime

Description

Porosia e At Marin Sirdanit dhe monumenti i kujtesës kombëtare Ishte më i riu i Etërve të zhgunave shqiptarë të Shën Françeskut kur At Marin Sirdani, historiani i shquar dhe mësuesi i tij, në kohën që oficerët e UDB-ës po merrnin në dorëzim materialet e Arkivit të Fretërve për t’i çuar në Beograd, i la një porosi të prerë: “Rrno vetëm për me tregue” . Dhe At Zef Pllumi e pati peng dhe mision të jetës së tij këtë porosi. Ai rroi, dëshmoi dhe sfidoi vdekjen, duke lënë pas një korpus të jashtëzakonshëm kujtimesh që përbën themelet e memorialistikës së burgjeve komuniste dhe vuajtjes së klerit në Evropën Lindore. Çfarë thonë personalitetet e shquara për këtë vepër: • Ismail Kadare: “Gjithë shoqëria shqiptare ka nevojë për këtë vepër. Kanë nevojë për to ata që e kanë jetuar atë kohë, e po aq… ata që s’e kanë jetuar. Shkurt, për të ka nevojë ndërgjegjja jonë.” • Aurel Plasari: “…Na bën të mendohemi se sa e vështirë është të vlerësosh përmbajtjen historike të një gjysmë shekulli shqiptar… Mohimi i së kaluarës – kulti i harresës – është një nga mënyrat më perfide për të përligjur krimin.” • Blendi Fevziu: “Një libër i jashtëzakonshëm, ngjethës, por edhe reflektues… një monument i rëndësishëm për gjithë vuajtjen e klerit në Evropën Lindore komuniste.” Përmes kësaj trilogjie, At Zef Pllumi na bën thirrje të mos harrojmë për asnjë moment të kaluarën, si kusht të domosdoshëm për të ndaluar kthimin e saj dhe për të ndërtuar një të ardhme të lirë e demokratike.