Seferi i Tirones

Description

Mbreti i bejteve dhe i humorit të hollë tiranas Në to spikaste mjeshtëria e jashtëzakonshme e ndërthurjes së vargjeve me rimë, duke shprehur me sens komik talljen, përçmimin, stigmatizimin dhe goditjen e dukurive të kohës. Ndërtuar me metafora dhe krahasime origjinale të situatave dhe personazheve të ndryshëm, në formën më tipike të humorit brilant tiranas, këto bejte shoqëroheshin kurdoherë me të qeshura të pafundme nga dëgjuesit. Përgjigjet e tij të menjëhershme me vargje krijonin një atmosferë tejet gazmore te publiku dhe, duke kaluar nga goja në gojë, fitonin një popullaritet të jashtëzakonshëm. Aq e madhe ishte kjo jehonë, sa edhe sot e kësaj dite mbahen mend shumë prej tyre, të cilat ribotohen besnikërisht në këtë libër ashtu siç janë krijuar fillimisht. “Seferi i Tironës” është një dëshmi e gjallë e shpirtit të bukur, ironik dhe gazmor të Tiranës së vjetër, një udhëtim përmes improvizimeve gjeniale të Sefer Dajas që vazhdojnë të sjellin buzëqeshje dhe të na lidhin me trashëgiminë tonë kulturore.