Shkembimi

Description

Rikthimi i Miç MekDirit: Një ciklon djallëzor me pasoja globale Çfarë ndodhi me Miçin dhe Abin, pasi zbuluan krimet e zyrës ligjore “Bendini, Lambert & Locke” në Memfis dhe u arratisën jashtë shtetit për të shpëtuar kokën? Përgjigjja e kësaj pyetjeje që ka mbetur pezull prej dekadash gjendet në librin “Shkëmbimi” , vazhdimi mbërthyes i romanit “Firma”—veprës që hodhi bazat e karrierës së John Grisham si tregimtari i parapëlqyer i Amerikës dhe mjeshtri i padiskutueshëm i thrillerit ligjor. Kanë kaluar plot pesëmbëdhjetë vjet nga ngjarjet e para. Miçi dhe Abi tani jetojnë të qetë në Manhattan, ku ai ka arritur të bëhet partner në firmën ligjore më të madhe në botë. Por e kaluara dhe rreziqet e mëdha nuk e lënë kurrë pas dore një strateg të tillë. Kur një koleg dhe mentor i tij nga Roma i kërkon një nder që e çon drejt Stambollit dhe Tripolit, Miçi e gjen veten papritur në qendër të një komploti ndërkombëtar me pasoja mbarëbotërore. Për herë të dytë në jetën e tij, në shënjestër vihen miqtë, kolegët dhe vetë familja e tij. Miçi mbetet po ai mjeshtër mendjemprehtë, gjithnjë dy hapa para kundërshtarëve, por këtë herë rrjeti është thurur aq ngushtë dhe rreziqet janë aq të larta, saqë duket se nuk ka asnjë rrugëdalje të sigurt. Një lojë macja me miun në shkallë globale, ku tensioni rritet me çdo faqe të lexuar. “Grisham-i na sjell një rrëfim që të lë pa frymë për jetën e re të MekDirëve… Me stilin e tij të pagabueshëm klasik, ai e çon tensionin në kulmin më të lartë. Një roman që ndjek gjurmët e paraardhësit të tij të mirënjohur.” — The Wall Street Journal “Grisham-i është ndoshta tregimtari më i mirë që kemi.” — The New York Times Book Review